Hjördís Dröfn Vilhjálmsdóttir

Hjördís elskar að sjá fólk upplifa það að ná árangri umfram væntingar um eigin getu
og sjá teymi vinna þannig saman að töfrar verði til. Að hennar mati felst lykillinn að árangri
í hugrekki til breytinga, styrk til að hrinda þeim í framkvæmd og nettum sveigjanleika
til að takast á við áskoranir. Hún er kjörinn ferðafélagi á slíkri vegferð
sem hvetur, ögrar, hrósar og rýnir til gagns.
​
Hjördís er leiðtoga- og teymisþjálfi með alþjóðlega ACC vottun frá ICF, vottaður tilfinningagreindarþjálfi og NBI Practitioner & Whole Brain Coach.
Hún er með MSc. í stjórnun og stefnumótun og BSc. í hagfræði.
Hjördís hefur áratugareynslu sem stjórnandi, ráðgjafi og greinandi.
​Breytinga- og krísustjórnun er henni hugleikin og hún býr yfir víðtækri reynslu á því sviði.
​

Vörur og þjónusta 

 Mikill metnaður er lagður í faglega nálgun og ​áhersla er lögð á
​að nálgast viðfangsefnin eins og þau henta viðskiptavininum best  

Leiðtoga- & stjórnendaþjálfun

Hér er samnýtt aðferðafræði markþjálfunar,ráðgjafar, handleiðslu við úrlausn flókinna viðgangsefna og fræðslu. Markþjálfunin getur verið mjög kraftmikil leið til að sjá aukinn árangur, ná meiri skilvirkni, fá skýrari sýn á hlutina, eiga betri samskipti eða til að draga úr streitu. Viðskiptavinir hafa einnig aðgang að reynslu og fræðilegri þekkingu Hjördísar á hinum ýmsu verkefnum stjórnandans. 

Tilfinningagreind og mikilvægi hennar fyrir leiðtoga er ótvírætt. Hjá Taktu flugið er unnt að fá greiningu á tilfinningagreind, vinna með hana og efla þannig leiðtogafærni sína.

Leiðtoga- og stjórnendamarkþjálfun gettur hentað fyrir stjórnarmenn og -konur, forstjóra, millistjórnendur verkefnastjóra, stjórnmálafólk, einstaklinga með rekstur eða almenna starfsmenn. Hún hentar hvort heldur sem er fyrir einstaklinga sem starfa hjá hinu opinbera eða á almennum vinnumarkaði.

Um leiðtogaþjálfun

Ráðgjöf

Að setja fram strategíska stefnu, vinna markmiðasetningu fyrir starfsemina, innleiða stefnu, setja fram arftakaáætlun & innleiða og styrkja vinnustaðamenninguna er allt þjónusta sem unnt er að fá hjá Taktu flugið. 

Vellíðan, skilvirkni og vöxtur!

Um ráðgjöf

Teymisþjálfun

 Að láta töfra verða til
Einn mikilvægasti þáttur í velgengni þar sem fleiri en einn vinna að sama markmiðinu er þegar hópurinn vinnur þétt saman. Allir ganga í sama takti að sameiginlegu markmiði og einstaklingarnir styðja við hvern annan til að nýta styrkleika hvers um sig til fulls.

Hjá Taktu flugið er unnt að fá allt frá stuttri vinnustofu þar sem einn verkferill er endurbættur upp í lengri tíma verkefni þar sem unnið er með umbreytingu eins og menningu, aðlögun á nýjum tæknilegum verðuleika, eða við að takast á við öran vöxt þar sem aðlögun þarf að geta verið hröð. ​

Um teymisþjálfun

Námskeið

Að undirbúa sig fyrir áskoranir framtíðarinnar er að undirbúa sig fyrir hið óþekkta. Að líða vel í eigin skinni og að una sér vel í síkviku umhverfi verður sífellt mikilvægara. 

Námskeiðin hjá Taktu flugið gera einmitt þetta! Að efla fólk til að takast á við áskornir framtíðarinnar.

Um námskeið

Fyrirlestrar

Fróðleikur, efling, tenging við raunheima og soldið gaman í bland.

Um fyrirlestra

Breytingar

Hjá Taktu flugið er unnt að fá faglega aðstoð við breytingar á vinnustöðum. Hvort heldur sem það eru minni breytingar allt upp í stærri umbreytingar eins og sameiningar á fyrirtækjum eða deildum,uppstökkun eða innleiðing nýrrar stefnu eða menningar. Engar tvær breytingar eru eins og því er mikilvægt að átta sig á þörfinni hverju sinni. 

Hjá Taktu flugið getur aðstoð við breytingar verið í formi ráðgjafar við breytinguna, útfærslu og framkvæmd breytingarinnar. Aðstoðin felst í formi greiningar á aðstæðum og þörf sem svo er unnið með til að tryggja full afköst og eignarhald starfsfólks á breytingunum.   

Um breytingastjórnun

Hvað segja viðskiptavinirnir?